Su 20 e 21 de su mesi de Ladàmini 2018 ddoi at a essi sa manifestada Stòrias de Comunidadis me in is comunus de Biddanoa de Forru e Ussaramanna in Marmidda, promòvia e apariciada de s’assòtziu culturali Laras – Suoni e parole di Sardegna.
Su progetu culturali nàsciu po promovi su cunfrontu in sa comunidadi sarda cun sa tenta de espressai unu sentidu mannu de su de essi sardus acumentzai de sa lìngua nosta, siddu prus de importu de s’identidadi nosta, est lòmpiu a sa segundu editzioni.
Su nòmini de s’arrassinna de ocannu est: Sa lìngua est de su pòpulu.
S’atòbiu est partziu in duas diis: in sa primu s’at a chistionai de sa lei noa asuba de sa lìngua sarda e de su Sardu in sa comunidadi e in is iscolas de dònnia òrdini e gradu e s’at a fai in Biddanoa de Forru.
In sa segundu dii s’at a chistionai de cantu de sei cun arreferimentu a sa cantada campidanesa a mutetus longus. In is duas diis ant a essi fatus finsas duus laboratòrius po is studiantis e istzitadinus.
Intre is protagonitas ant a interbenni pensadoris e spertus de custus campus e imprus is sìndigus deis comunus chi ant a organisai sa manifestada, Maurizio Onnis, Sìndigu de Biddanoa de Forru e Marco Sideri, Sìndigu de Ussaramanna.
