Special

1)   In sa Spagna illustrada

a sa prima luxi bessestis;

aspera vida fazzestis

tottu a Deus dedicada;

sendu sempiri inflammada

de caritadi divina.

Difendei…

6)   Aundi sa conca arruessidit

po opera e grazia divina

fonti de acqua cristallina

a su momentu nascessit,

po chi a is malis serbessit

de pronta e vera mexina.

Difendei…

2)   Is divotas orazionis

e digiunus cotidianus,

pro cunfundiri is paganus,

fiant perfettas rexionis,

disprezzendu is opinionis

de cussa genti meschina.

Difendei…

7)   Si narant Aguas Santas

pro is prodigius operaus

po hai medas curaus

de infirmidadis tantas;

vigorosas, friscas plantas

Mantenit cussa piscina

Difendei…

3)   Luegu festis accusada

a Olibriu presidenti

e de sa barbara genti

stettestis impresonada,

po perdiri, fortunada,

custa vida miserina.

Difendei…

8)   De prontu benit fundau

unu templu sontuosu

aundi stat sepultau

su corpus bostu gloriosu,

chi ispirat meda odorosu

grata frangranza divina.

Difendei…

4)   Ind’unu forru meda oscuru

festis cum furia ghettada

is manus e id peis ligada,

po si tenniri in seguru:

turmentu aici duru

si donat genti ferina.

Difendei…

9)   Giai chi in su xelu po tantu

gosais sa vista de Deus

pregai po nosu chi seus

ind’unu mari de plantu;

ghettai nosì su mantu

de protezioni divina.

Difendei…

5)   Cumandat su Presidenti

di essiri cum rabbia acciottada

e de pustis degogliada

a tres legas de s’Orienti,

gridendi continuamenti

sa setta luciferina.

Difendei…

10) Su populu cristianu

chi sa gloria bosta esàltat

de s’onorai non lassat

in custa dì d’ogni annu,

e cun cultu soberanu

os’acclamat eroina.

Difendei…